ആനച്ചാൽ ഒരു താത്വിക അവലോകനം...
ആറുമണിക്കുള്ള സ്ഥിരം അലാറത്തിന് കാത്തുനിൽക്കാതെ ഒരല്പം നേരത്തേ തന്നെ ഉറക്കമുണർന്നു.
മഴ ഇന്നലെ ഉറങ്ങിയേ ഇല്ലെന്നു തോന്നും വിധം തകർത്തു പെയ്തുകൊണ്ടേയിരുന്നു...
കൃത്യം 7.30 മണിയ്ക്ക് എന്ന സമയം പാലിയ്ക്കാൻ വേണ്ടി ജനലിൽ കൂടി തലയിട്ട് റെഡി ആണ് എന്ന് ഉറപ്പിച്ചു @~Mathew ചേട്ടൻ കണ്ടും ബോധിച്ചു.
മഴയെന്തോ വാശിപിടിച്ചപോലെ നിർത്താതെ കരയുന്നു. ഇതിനിടയിലും മൂവാറ്റുപുഴയിലെ ഇഡ്ഡ്ലി ഷോപ്പിലെ ചൂടുള്ള ഇഡ്ഡ്ലി ബ്രേക്ഫാസ്റ്റ് എന്ന @Aster Praveen ചേട്ടന്റെ ചൂടൻ ഡയലോഗ് എല്ലാരിലും മഴയുടെ തണുപ്പ് കുറച്ചു.
രണ്ട് കാറിലുമായി പറഞ്ഞതിൽ നിന്നും ഒരല്പം വൈകി യാത്ര ആരംഭിച്ചപ്പോൾ തന്നെ പഴയ സ്കൂൾ/കോളേജ് യാത്രകൾ തുടങ്ങുമ്പോഴുള്ള വികൃതി കുട്ടികൾ ആയി തുടങ്ങി.
ഞങ്ങൾ ആറു പേർ @Aster Saigil Cherian @Aster Nishanth @~Mathew @~P Jayakrishnan @Aster Praveen ഒരു വണ്ടിയിൽ യാത്ര തുടങ്ങി. തുടക്കത്തിൽ @~Anil Kumar ഏട്ടനെ പിക്ക് ചെയ്ത് മുന്നിലത്തെ വണ്ടിയിലെ പയ്യൻസ്മാരായ @Aster Jacob @~AJAYA @Aster Sageesh @Udaya Kumar ഒത്തുചേർന്നതോടെ പരിപാടികൾ ഉഷാറായി, ഇഡ്ഡ്ലികടെയെന്ന പ്ലാനിങ്ങിൽ ചെറിയൊരു മാറ്റം വരുത്തി സാമിയുടെ വടകടയിലേയ്ക്ക്...
മഴയുടെ വ്യാപ്തി കൂടുന്നതല്ലാതെ ഒരിഞ്ചുപോലും വിട്ടുതരുന്നില്ല... ഞങ്ങളും... അപ്പോഴേ ചെറിയ തോതിലുള്ള ബാക് ബെഞ്ച് കലാപരിപാടികൾ തുടക്കമിട്ട് ഞങ്ങളുടെ വരവറിയിച്ചു. ഇഡ്ഡ്ലി, ദോശകൾ, മൊരിഞ്ഞ ഉഴുന്നുവട, ചൂട് ചായ, മഴ എന്നിവയുടെ അകമ്പടിയോടെ ബ്രേക്ഫാസ്റ്റ് തകർത്തു.
മഴയുടെ വാശി വീണ്ടും കൂടി വരുന്നു... ഞങ്ങളും മുന്നോട്ട് തന്നെ 💪🏻
മഴയുടെ നീളവും യാത്രയുടെ നീളവും തമ്മിലുള്ള മത്സരമാണ് പിന്നങ്ങോട്ട് നടന്നത്. മുവാറ്റുപുഴവഴി കോതമംഗലം കടന്ന് നേര്യമംഗലം പാലം കയറി അടിമാലി വഴി ഒരുപാട് യാത്രകൾ പോയിട്ടുണ്ടെങ്കിലും ആ വഴികൾക്കൊക്കെ മഴയിൽ കുതിർന്ന ഇത്രയും ഭംഗി കാണുന്നത് ആദ്യമായാണ്.
ഹൈറേജിന്റെ തുടക്കത്തിൽ തന്നെ നമ്മുടെ റേഞ്ച് കാണിക്കണമെന്ന് പൊതുവായ അഭിപ്രായം രൂപപ്പെട്ടു, ഇതിനടയിൽ അതിനുള്ള സന്നാഹങ്ങളും റെഡിയായി, മുഖ്യ പങ്കുവഹിച്ച ക്രാൻബെറി ജ്യൂസിന് പ്രെതെയ്ക നന്ദി പറയേണ്ടി വരും ഒപ്പം ഉപ്പിൽ കുതിർന്ന നെല്ലിയ്ക്കയ്ക്കും എരി വറ്റാത്ത കാന്താരിയ്ക്കും.
കിലോമീറ്ററുകൾക്ക് നീളകൂടിയതാണോ അതോ നമുക്ക് വേഗം കുറഞ്ഞതാണോ? രണ്ടായാലും ഒരല്പം വേഗത കുറഞ്ഞു തന്നെയാണ് യാത്ര... മഴയും മോശമല്ല, എന്തോ ഒരാർത്തി പൊലെ നീണ്ടുപോയ്ക്കൊണ്ടേയിരുന്നു.
ഇടയ്ക്കുള്ള മൂത്രമൊഴിപ്പിന്റെ എണ്ണം കൂട്ടാൻ ഇരുകാറുകളിലും ഉള്ളവർ എപ്പൊഴും തിരക്കുകൂട്ടി, എപ്പൊഴും നേരിൽ കണ്ടു മിണ്ടിയില്ലെങ്കിൽ എന്തോ ഒരിത്, കാണുന്നു...മിണ്ടുന്നു...കൂട്ടിമുട്ടിയ്ക്കുന്നു ....അത് വീണ്ടും അവർത്തിയ്ക്കുന്നു... കൂടെ മലയാള ഭാഷ പണ്ഡിതന്മാരെയും കവികളെയും പ്രിയ ഗാനരചനാ കൃത്തുക്കളെയും മനസ്സിൽ ഓർത്തുകൊണ്ടുള്ള ഗാനശകലങ്ങൾ ഇരുകാറുകളിലും പാട്ടുമത്സരങ്ങളെക്കാൾ ഉച്ചത്തിൽ പാടി തിമിർത്തുകൊണ്ടേയിരുന്നു...ഇപ്പോഴും ഞിങ്ങളുടെ ആ ഓർമകളുടെ മുന്നിൽ തലക്കൂപ്പി നല്ല നമസ്കാരം @Udaya Kumar ചേട്ടാ, @Aster Praveen ചേട്ടാ @~Anil Kumar ചേട്ടാ...അത് നിർബാധം തുടർന്നു. ഇതിനിടെയിൽ പച്ചയായ മനുഷ്യനായിരുന്ന @Aster Praveenചേട്ടനെയും പഴുപ്പിച്ചു സ്റ്റിയറിംഗ് സീറ്റ് @~P Jayakrishnan ചേട്ടന് കൈമാറി കയറ്റം കയറി തുടങ്ങി. കാടുകൾ വന്ന്, കാറ്റുകൾ വന്നൂ, കോടയിറങ്ങി, വെള്ളച്ചാട്ടങ്ങൾ മാടി വിളിച്ചു ആരും പോയില്ല... ഒരേ ഒരു ലക്ഷ്യം ആനച്ചാൽ....
ഉച്ചയുടെ കടുപ്പ വെയിലില്ലാതെ ഒരു ചെറു മഴച്ചാറ്റലിൽ ഞങ്ങൾ ആനച്ചാൽ കയറി എത്തേണ്ടിടത് എത്തി... എല്ലാവരും സ്ഥലത്തെ ഒന്ന് നോക്കിക്കണ്ടു, പരിചയം സ്ഥാപിച്ചെടുത്തു... പരിപാടികൾ തുടരവേ ഉച്ചയ്ക്ക് ആഹാരം കഴിക്കണ്ടേ എന്നൊരു ഓർമപ്പെടുത്തൽ ആരോ ഉച്ചത്തിൽ പറഞ്ഞു. വിശപ്പ് അറിഞ്ഞു തുടങ്ങിയതേ ഉള്ളു, ലക്ഷ്യം അങ്ങോട്ടായി, നല്ലതായിരിക്കണേ എന്നുള്ള പ്രാർത്ഥനയും.
ലൂക്കിലല്ല വർക്കിലാണ് കാര്യം എന്നത് സത്യമാകും വിധം വളരെ മികച്ച ഒരിത് ആയിരുന്നു ലഞ്ച് മൊത്തത്തിൽ കൊളോക്കലി പറഞ്ഞാൽ... നല്ല കറികൾ, ഫ്രഷ് മത്സ്യം, നല്ല ബീഫ് ഫ്രൈ, ഓംലെറ്റ് എല്ലാം ഒന്നിനൊന്നു മെച്ചം. നല്ലൊരു ഹോംലി മീൽ, മോരും രസവും കൂട്ടി അവസാനിപ്പിച്ച ശേഷം മുറികളിലേക്ക്...
പവർ നാപ്പ് എടുത്താലേ പവർ വരൂ എന്ന് ഒരഭിപ്രായം മൊത്തത്തിൽ വന്നൂ. എന്നാൽ പിന്നെ ഒരു മണിക്കൂർ ഉറക്കം എന്നത് ഒരൊന്നന്നര ഉറക്കമായി പോയി, ഇതിനിടെയിൽ ഞങ്ങൾ എല്ലാവരും ഇപ്പൊ വരും എന്ന് കാത്തിരുന്ന നമ്മുടെ പ്രിയ @Aster Ajith അണ്ണൻ വന്നുചേർന്നു വന്നപ്പോഴേ ആ എനർജി എല്ലാവരിലേക്കും പടർന്നു. ചായ വന്നപ്പോൾ മഴയുടെ ശക്തിയും കുറഞ്ഞു വന്നൂ, ആ ചെറുതണുപ്പിൽ ഒരു കട്ടൻ ഊതി കുടിച്ചു നിന്നപ്പോൾ ട്രെക്കിങ്ങ് റെഡി ആണെന്നുള്ള അറിയിപ്പും എത്തി. രണ്ടു വണ്ടികളിലായി കാട്ടുവഴികളിലൂടെ ഇടതൂർന്ന ചെറുവഴികളിലൂടെ യാത്ര നീണ്ടു, പലയിടങ്ങളിയായി നിർത്തി കാഴ്ച കണ്ടു കഥ പറഞ്ഞു സ്നേഹം നുകർന്നു. പൊന്മുടി ഡാമും, പന്ന്യർകുട്ടി വെള്ളച്ചാട്ടവും കാഴ്ചകളിൽ മുന്നിൽ നിന്നു. ഡാം ഒരല്പം അധികം കൗതുകം സൗന്ദര്യം സുഖം എല്ലാം തന്നു നിന്നു കണ്ടു കൂട്ടുകൂടി... തൂക്കുപാലം രാത്രിയിൽ കണ്ടു ഒട്ടും വെളിച്ചമില്ലാതെ, അതുമൊരു അനുഭവമായി... തിരിച്ചുള്ള യാത്ര പോകാൻ കയറിയ വണ്ടികളിൽ നിന്നും അസ്സൽ ബാച്ചിലർ നികണ്ടുകളിൽ മികച്ച വാക്കുകൾ നീട്ടിയ സ്വരത്തിൽ വിളിച്ചു കൂവുന്നുണ്ടായിരുന്നു, അവിടുത്തെ ഇരുട്ടിലും ഇരുണ്ട കാടുകളിലും അതെല്ലാം ലയിച്ചു ചേർന്നു.
തിരികെയെത്തുമ്പോൾ മഴയ്ക്കൊരു നേരിയ ശമനം ഉണ്ടായിട്ടിട്ടുണ്ട്, ക്യാമ്പ് ഫൈറിനും, ഗ്രില്ലിങ്ങിനുമുള്ള ഒരുക്കങ്ങൾ പൂർത്തിയായിരുന്നു.. രാത്രിയുടെ വന്യതയിലേയ്ക്ക് തീ പകർന്നതോടെ ഇരുട്ടിൽ നിന്നും മഴയുടെ തണുപ്പിൽ നിന്നും മോചനം ലഭിച്ചുതുടങ്ങി... അത് ഒരിക്കൽ പോലും കേട്ടില്ല അടങ്ങിയില്ല ഒരടി പോലും ഞങ്ങളും പുറകോട്ട് പോയില്ല, ഉള്ളിലേ കലാകാരൻമാർ പകർന്നാടി...പാട്ടുപാടി...കൂടെപ്പാടി...കൂടിയാടി...ഒത്തുചേർന്നു മത്സരിച്ചു. രാത്രി നീണ്ടു, കുറച്ചുപേർ നടന്നു, കുറച്ചുപേർ അവിടെയിരുന്നു. ചിലർ വീണ്ടും തിരിച്ചുവന്നു വീണ്ടും കൂടി കൂട്ടിമുട്ടിച്ചു... ഉറക്കം വിളിച്ചു ഞങ്ങളും കൂടെ പോയി.. കിടന്നുറങ്ങി, നല്ലയുറക്കം....
രാവിലെ എണീറ്റുവന്നവർ ആദ്യം പറഞ്ഞത് ഇന്ന് കൂടി നിൽകാം നാളെ രാവിലെ പോയാലോ?എന്നായിരുന്നു... അത്രമാത്രം അനുഭവങ്ങൾ കിട്ടിയിരുന്നു, എല്ലാവർക്കും അതായിരുന്നു പൊതുവിൽ അഭിപ്രായം... പിന്നങ്ങോട്ട് വളരെ വേഗത്തിലായി കാര്യങ്ങൾ കുളികൾ കൂടലുകൾ പാട്ടുപാടൽ നിഖണ്ടു പാടി തീർക്കൽ കഥപറച്ചിൽ എല്ലാത്തിനും വേഗം കൂടി... ഇതിനിടെയിൽ ബാഗുകൾ നിറഞ്ഞു, പോകാനുള്ള വണ്ടികൾ റെഡി ആയി. തൽകാലം ആനച്ചാലിനോട് വിടപറയുന്ന ആ നിമിഷം വന്നെത്തി. ഇനിയും വരും ഇതിനേക്കാൾ നല്ലൊരു മഴയുമായി അപ്പോഴും ഇവിടെ എത്തുമ്പോൾ മഴയില്ലാത്ത സ്വീകരിക്കാൻ ആനച്ചാലും അടിമാലിയും തയ്യാറാവും എന്ന ഉറപ്പോടെ...
യാത്രകൾക്ക് ഓർമകളുടെ മലകയറ്റമാണ്, ഗൃഹാതരത്വത്തിന്റെ മഴവെള്ളപാച്ചിലാണ്, സ്നേഹത്തിന്റെ വന്യതയാണ്, സൗഹൃദത്തിന്റെ കരുതലുകളാണ്...
ഇനിയും നീളട്ടെ നീളമുള്ള യാത്രകൾ, സൗഹൃദത്തിന്റെ സൗന്ദര്യങ്ങൾ, ഓർമകളുടെ പുസ്തകത്താളുകൾ...
നല്ല നമസ്കാരം 🙏
വാൽക്കഷ്ണം : യാത്രയിൽ ഉടനീളം പാടി കേട്ട പാണന്റെ ശ്രുതികളും ഈണങ്ങളും പച്ചയ്ക്കു പറയാഞ്ഞതിൽ ഖേദിയ്ക്കിരുന്നു...😀